Próf Próf Próf

Núna er mjög mikið að gera í skólanum, allt að verða brjálað og fullt af prófum!!!

Langaði bara að henda inn smá spakmæli frá Ömmu Dísu sem hún sagði í dag þegar við vorum að ræða um prump: Það er ekki synd þó búkurinn leysi vind!

Afi er líka mjög fyndinn…hann segir svo margt sem er fyndið að ég hef ekki undan að skrifa niður spakmælin. Hann segir líka oft brandara og sögur frá því þegar hann var á Núpi…Hafþór er farinn að kunna þær allar! Söguna þegar Afi fór heljarstökk á tunnustöfunum (skíðunum), þegar hann kyssti stelpurnar bakvið skúrinn, hringdi skólabjöllunni alltaf á réttum tíma og frá ballinu sem var bannað að vanga á en einhver stalst til að slökkva ljósin og þá gátu þau vangað í smá stund! Ég vildi stundum óska að við fjölskyldan værum í raunveruleikaþætti þar sem allt er tekið upp, sumt vildi ég geta átt á spólu eins og til dæmis brandarana um Stebba Snara! Ef þið hittið Afa minn einhverntíman þá ættuð þið að biðja hann um þann brandara! Óborganlegur!

Alveg yndislegt að hafa þau í heimsókn

Um helgina förum við í ferðalag og ætlum að skoða Monterey Bay sem er nálægt San Francisco. Það á að vera með fallegri stöðum í Californiu. Set inn myndir seinna

Örblogg

Þar sem mér finnst ekkert sérstaklega gaman að blogga og er stöðugt að fresta því þá hef ég ákveðið að örblogga í staðinn.

Örbloggið verður þá bara nokkrar setningar á nokkurra daga millibili!

Amma Dísa og Afi Hafsteinn eru komin til okkar Voðalega notalegt og gott að hafa þau.

Ég byrjaði nýlega í tveimur nýjum fögum, þjóðhagfræði og American Government. Mjög skemmtileg en núna er sko alveg nóg að gera!

Veðrið síðustu daga hefur verið alveg ótrúlegt. Hitinn í dag fór yfir 38 gráðurnar…sjæse!

Kennarinn minn í American Government hefur ákveðið að kalla mig alltaf Miss Iceland…þannig að þegar ég rétti upp hönd segir hann “Yes, miss Iceland”. Þegar ég skila verkefni segir hann “thank you miss Iceland” og svo framvegis. Pínu vandræðalegt

Halloween var síðustu helgi og það var geggjað. Allir krakkarnir í hverfinu komu eða öllu heldur hlupu á milli húsa og sögðu Trick or Treat, rifu nammið af manni og tróðu því í hálffulla KODDAVERIÐ sem þau voru með með sér. Hógvær? Nei ég held nú ekki.

Meira seinna
Bæjó

Yeah I can see it now…You kinda look like a viking!

Jæja það er nú aldeilis kominn tími á nýtt blogg. Ég hef ekki neitt rosalega mikið að segja frá og ætla því að hafa bara svona nokkra punkta um það sem gerst hefur.

Amma Sigrún er búin að vera hérna í heimsókn síðustu 3 vikur og fer heim um næstu helgi. Það er voðalega gott og heimilislegt að hafa hana hérna hjá okkur.

Hafþór átti afmæli í síðustu viku og varð 12 ára og má því loksins að eigin sögn horfa á bannaðar myndir. Í tilefni afmælisins fór fjölskyldan út að borða á ESPN Zone sem er svona sport bar/veitingastaður í Downtown Disney.

Það RIGNDI í síðustu viku!! sem var æði því það hafði ekki rignt síðan ég kom. Veðrið er búið að vera ótrúlegt síðust daga. Á mánudaginn var heitasti dagur sem mælst hefur verið í Los Angeles EVER og svo í sömu viku  voru thunderstorms með tilheyrandi drama Californiubúa.

Árni minn er núna búinn að kaupa sér miða til að koma í heimsókn um jólin og ég er svoooo spennt  hann kemur 17. des og fer svo heim mánuði seinna, þessi jól verða æði!

Hér eru Ameríkanarnir alveg að fara á límingunum við Halloween skreytingar. Húsin í götunni eru orðin þakin köngulóavefjum og legsteinum og fleira ógeði! En ég frétti af konunum hérna í götunni að gatan okkar væri THE HALLOWEEN gatan í hverfinu! Þetta verður mega spennandi.

Ég, Mamma og Amma fórum í JC Penney um daginn. Þar spurði afgreiðslukonan okkur  hvaðan við værum. Og við sögðum henni að við værum frá Íslandi…eftir smá stund spurði hún svo hvað væri frægt við Ísland og þá segir mamma henni að þar séu eldfjöll og kindur og ég segi henni að víkingarnir hafi búið á Íslandi! Eftir að henni tókst að melta þetta aðeins sagði hún við mig, “já ég sé það núna, þú lítur rosalega mikið út eins og víkingur!” THANKS!!!!! Gott er að taka það fram að afgreiðslukonan var með jafn margar heilasellur og kálhaus og talaði og hreyfði sig í samræmi við það!

Ég skrifa svo eitthvað fleira sem mér dettur í hug seinna…vonandi bara bráðlega

Fyrsta vikan í skólanum…..mmmmkey

Síðustu dagar hafa verið  áhugaverðir. Skólinn byrjaði fyrir viku síðan ! Hannnn er miklu líkari Verzló heldur en Háskólanum, aðallega vegna þess að sumir krakkanna eru 18 ára og ekki alveg búnir að átta sig á lífinu. Það er líka fullt af eldra fólki hérna þannig að þetta jafnast alveg út. Fyrsti tíminn minn var Interior Design og var hann MJÖG áhugaverður. Fyrsta verkefnið var að gera client profile og taka viðtal við annan nemenda, fara svo heim og hanna þeirra heimili og koma svo aftur og kynna verkefnið. Mjög metnaðarfullt fyrsta verkefni en jafnframt mjög skemmtilegt

Ég er einnig í ensku, þar sem kennarinn er algjör snillingur. Hann kenndi áður í Compton College sem er “glæpa-klíku-hverfi” rétt hjá L.A. og kallar því ekki allt ömmu sína. Ég er í stærðfræði kúrs sem ég hef tekið áður í Verzló en þessi er bara miklu skemmtilegri, ég er núna bæði tilbúin til að læra stærðfræði og kennarinn er skemmtilegur sem skemmir ekkert fyrir. Núna sit ég dag og nótt og læri heima og kem í tímann BÚIN að gera dæmin…þvílíkur munur sem það er!!

Lögfræðikennarinn, Mrs. Goldberg, hefur þvílíkan metnað að maður gæti ekki komið ólesinn í tíma bara vegna þess hve vonsvikin hún yrði. Hún segir í hverjum einasta tíma….since you are now a law student you have to realize …eða you have to be able to…  hún er æði

Skólinn er semsagt skemmtilegur! Smá svona High School Musical stemming með öllum karakterunum úr Not another teen movie…án gríns hér eru sætu stráka klíkur, íþróttaklíkur, nörda hópar, mansonistar, Asíu grúppur og svo framvegis og svo framvegis. Ég er allavega ekki í neinni klíku! Aðallega þar sem ég þekki ekki neinn hahaha

Eftir að Kristján og krakkarnir fóru heim höfum við eiginlega bara legið í leti. Við færðum öll húsgögnin á rétta staði og fórum svo í IKEA og keyptum það allra nauðsynlegasta! Núna er herbergið mitt tilbúið og draslið komið í kommóðuna. Dagana eftir að þau fóru var alveg rosalega heitt en það er núna að lagast og var eitt kvöldið það kalt að við þurftum að fara í peysu….ég vona bara að það komi ekki fyrir aftur!!

Lífið hérna í Parliament place er nú loksins komið í fastar skorður og höfum við notið útiverunnar og haft það gott. Skólinn hjá Hafþóri byrjar 8. september og erum við búin að hjóla þangað og taka hann út. Hafþór er búinn að læra á skápinn sinn og allt ætti að ganga smoothly þegar fyrsti dagurinn rennur upp.

-Eydís

Ps. Interior Design kennarinn minn segir alltaf mmmkey eins og kennarinn í Southpark! hún er fyndin…

Fyrirheitnalandið

Fyrir viku síðan héldum við fjölskyldan ásamt Kristjáni og krökkunum í smá ferðalag norður frá Ladera Ranch. Við keyrðum framhjá LA, Malibu, komum við í Carpenteria og fengum okkur að pabba sögn „besta hamborgara í heimi“, keyrðum svo áfram framhjá Santa Barbara og stoppuðum í danska bænum Solvang. Þar eru öll húsin í dönskum stíl, tvær myllur eru í þorpinu og litla hafmeyjan er á torginu. Þar rétt hjá eyddum við svo nótt föstudagsins 13. á móteli!(mjög góð hugmynd, I know)

Daginn eftir var ákveðið að keyra að Seqouia þjóðgarðinum, þar sem stærstu tré í heimi eru. Á leið okkar þangað keyrðum við framhjá endalausum ökrum. Ökrum með vínberjum, sítrónum, lime, ferskjum og skrilljón fleiri ávöxtum. Yndislega fallegt umhverfi og hrikalega heitt. Við gistum svo rétt fyrir utan garðinn og svöluðum hita okkar í sundlauginni. Næsti dagur var tekinn snemma og við héldum inn í þjóðgarðinn. ÞVÍLÍKT magn af trjám og klettum. Stærsta tréð (NB rúmmálslega séð ekki hæsta) er um 11 metrar í þvermál við ræturnar! Um kvöldið var svo keyrt heim.

Gestir okkar til 3 vikna fóru svo heim í morgun. Síðustu dögunum hérna eyddu þau í búðum að versla það allra nauðsynlegasta og svo í afslöppun í sundlauginni. Takk fyrir komuna Kristján, Benni, Kristín Edda og Gunnar, húsið er tómlegt án ykkar. Við erum strax farin að hlakka til að fá ömmu og afa sem koma þó ekki fyrr en í október.

Á mánudaginn byrjar svo skólinn hjá mér. Í dag ætla ég því að kaupa bækur og gera herbergið reddí. Þá ætti ég að vera tilbúin á mánudaginn fyrir hina almennu rútínu sem ég hef ekki verið í síðan í Verzló. Ég hlakka mikið til.

Hafþór byrjar hinsvegar ekki í skólanum fyrr en 5. september og hefur því mikinn tíma til að þjónusta systur sína og æfa sig í körfubolta.

Síðustu daga hefur verið alveg rosalega heitt hérna í Cali. 40 stig í gær og mér finnst svona á öllu að það verði ekki síðra í dag. Þetta er alltof heitt fyrir svona óvanann Íslending eins og mig og ætla ég því annaðhvort að vera í sundi eða bara inni!

-Eydís

Nýtt land – Nýtt blogg

Jæja, þá er ég komin til Californiu eftir mikla eftirvæntingu og bið síðastliðna mánuði. Ég lenti hérna síðasta miðvikudag og hef verið busy síðan. Guðni, Guðný og strákarnir og Kristján og fjölskylda eru í heimsókn. Við erum búin að fara aðeins að versla, í hjólatúr og í sundlaugina hérna rétt hjá.

Síðasta föstudag fórum við í Universal Studios. Þar sáum við hvernig bíómyndir eru búnar til, Wisteria lane götuna í Desperate Housewifes, War of the Worlds settið og fórum í nýja King Kong 360 3D „rússíbanann“. Allir voru hæst ánægðir með þennan garð og skemmtu sér vel.

Húsið hérna í Parliament Place er ÆÐI! Allt til alls og ALLT XLARGE Það eru meira að segja mjúkar klósettsetur!!!! Hverfið er eins og í Desperate Housewifes og nágrannarnir jafn smeðjulegir. Sundlaugin er í næstu götu og héldum við 8 ára afmælið hans Gunnars þar í gær, æðisleg veisla með flottustu afmælisköku sem ég hef séð.

Ég fór í skólann í dag og í gær. Þar fór ég í einskonar “starfskynningu“ og hitti alla hina international stúdentana. Fór í stöðupróf í ensku og stærðfræði og skráði mig svo í kúrsa fyrir komandi önn. Ég fékk eina götóttustu stundatöflu sem um getur og verður þessi vetur því mjög áhugaverður. Kúrsarnir sem ég valdi eru interior design, government history, macro economics, legal environment of businesses og introduction to company information systems og svo er ég að reyna að komast inn í stærðfræði og ensku en þar sem ég er frekar sein að sækja um kúrsa eru þeir allir fullir :/

En skólinn er frábær, rosalega nálægt og starfsfólkið hjálplegt. International stúdentarnir eru krúttlegir. Fullt af asíubúum…allir rosalega góðir í stærðfræði og eru að fara í verkfræði eða líffræði. Svo eru fullt af öðrum útlendingum…frá Búrma, Íran, Hollandi, Ítalíu, London, Svíþjóð og fullt af öðrum löndum. Allir jafn fyndnir og vandræðalegir

Á morgun erum við að fara í lítið ferðalag. Ætlum að leggja af stað til LA í fyrramálið, fara svo til Camarillo og svo til Santa Barbara og gista þar. Svo kemur bara í ljós hvað við gerum. Ég set inn myndir af því seinna.

Ég blogga aftur þegar við komum heim.

-Eydís

Úti er ævintýri

Nú þarf ég svona að slútta sumrinu með því að segja frá síðustu dögunum mínum í Hollandi og ferðalaginu til Sitges á Spáni og síðasta sprettinum heim til Íslands.

Síðasta helgin í Hollandi var nýtt afar vel. Mikið var verslað á föstudeginum enda var opið til 9. Nú var hugsað um að kaupa föt sem nýttust í íslensku veðri. Á laugardeginum skellti ég mér svo til Antwerpen í Belgíu. Það er ein fallegasta borg sem ég hef komið í. Rosalega mikið mannlíf og margir götulistamenn. Geggjuð verslunargata og himnesk verslunarmiðstöð, án gríns hún var staðsett í gömlu listasafni sem var með gullhúðuðum listaverkum á veggjunum. Geggjuð ferð en eins og allar ferðir mínar í sumar þá fór ég alein. Ég er farin að kunna betur að meta það að vera ein, þá get ég gert það sem ég vil.

Þessa helgi voru hjón frá Suður-Afríku með mér í íbúðinni, þau voru frekar fyndin, frábær félagskapur! Við fórum með þeim í Kermis sem er einskonar tívolí með allskonar tækjum og börum og matardóti. Þar fjárfesti ég í alvöru hollenskum klossum.

Síðasta vinnuvikan gekk í garð og var ég svona farin að átta mig á því að ég hafði dvalið í öðru landi í 2 heila mánuði og að ég ætti kannski eftir að sakna samstarfsfélaga minna Ég fékk helling af skemmtilegum verkefnum og vil ég meina að Monique hafi verið að reyna að láta mig gleyma leiðinlegu verkefnunum sem ég fékk svo ég komi kannski einhverntíman aftur Það tók mig alla vikuna að reyna að pakka niður dótinu mínu og fékk ég að senda RISA kassa heim með öllu því sem ekki komst í töskuna mína! Þetta urðu þá kassi upp á 27 kg, taska sem var 21 kg og taska sem Árni tók heim sem var svona 10 kg. NEI….ég verslaði ekkert rosalega mikið!

Á fimmtudeginum héldum við svokallað kveðjupartý fyrir mig og var boðið í grill á Nicolaas Beetstraat. Irene, Eugene, Ilse og Monique komu og elduðu fyrir mig og ég bauð þeim upp á köku sem bökuð var í örbylgjuofninum fræga. Ég fékk fullt af gjöfum líka Plagat af Pistorius, mynd af mér – Ilse – Irene – Kelly – Monique, Hollands bol, hollenskar vöfflur og fleira. Þetta var alveg frábært og varð til þess að ég gjörsamlega fyllti kassan sem sendur var heim.

Á föstudeginum var svo haldið í hann alveg með tárin í augunum að kveðja íbúðina mína í Eindhoven. Þetta var allt frekar sorglegt og svo margt sem ég gleymdi að gera en þá er bara ástæða til að koma aftur. Ég kvaddi alla í vinnunni og fór svo í bíl með Monique og Kelly í átt til Amsterdam. Kelly var sett út í Utrecht og var nú frekar sorglegt að kveðja hana! Þar áttaði ég mig alveg á því að ég væri að FARA! Ég gisti hjá Monique síðustu nóttina og horfðum við saman á setningu Ólympíuleikanna. Hún býr rétt fyrir utan Amsterdam og var frekar fyndið að sjá að maðurinn á móti gengur í klossum í garðinum og gæjinn í íbúðinni við hliðina á var með 5 STÓRAR HASSPLÖNTUR á svölunum hjá sér. Holland í hnotskurn! Hún skutlaði mér svo á flugvöllinn snemma um morguninn…því stefnan var tekin á Barcelona. Takk Monique fyrir allt saman…ég veit að þú ert búin að bíða spennt eftir þessu bloggi!

Eftir að hafa beðið með Irene á flugvellinum í Amsterdam var hoppað upp í flug sem fór beina leið í góða veðrið á Spáni, Barcelona! Þar beið ég svo í 3 tíma eftir því að Birta & Birna, sem þá höfðu vakað í 35 tíma, lentu og gætu veitt mér félagsskap! Þvílík gleði braust út innra með mér þegar ég sá þær og gat knúsað einhvern sem ég hafði þekkt í meira en 2 mánuði. En þá tók alvaran við. Við áttum fyrir höndum 5 tíma bið eftir Stellu sem átti ekki að lenda fyrr en 11 um kvöldið. Flugstöðin var grandskoðuð, farið var á öll klósettin, fórum á Pans, keyptum okkur nammi og Birta splæsti í snakk [sem hefur gerst þónokkuð oft í sumar]! Við lágum á einhverjum bekkjum eins og haugar og horfðum á Friends. Horfðum allavega á svona 20 þætti og þá var loksins komið að því að fara að hliðinu hennar Stellu! En þar tók við klukkutíma bið. Eftir 9 tíma bið vorum við loksins allar á leið í leigubíl til Sitges þar sem við höfðum leigt okkur íbúð. Á þessum tímapunkti voru Birta og Birna ekki búnar að sofa í 43 klukkutíma.

Íbúðin var frábær og var sundlaug í garðinum. Þar lágum við nú flesta daga og böðuðum okkur í sólinni. Allnokkrum sinnum var farið á vespunni niður í bæ og verslað í matinn. Það er nú frekar skrautlegt að sjá tvær ljóshærðar stelpur með alltof stóra hjálma, reyna að skilja umferðareglurnar á Spáni, með mat sem duga átti fyrir 4 hungraðar stelpur í 2 daga. Með vatnskútinn á milli lappanna, búnar að troða ávöxtunum í hólfið undir sætinu, með bakpoka fullan af skinku og smurosti og IKEA poka fullan af pasta og pestó á milli okkar vorum við tilbúnar að leggja í hann en yfirleitt þegar búið var að hlaða „bílinn“ fór hjólið ekki í gang, en við fundum nú út úr því eins og hverju öðru nema Birta! Hún fann ekki út úr neinu.

Við fórum einu sinni á ströndina, hún var fín en ofsalega mikið af fólki. Passaðu þig samt…Birta gæti barið þig, hún getur það sko alveg. Bærinn var voðalega krúttlegur með mörgum litlum indjánabúðum. Fullt af restauröntum við ströndina og mannlífið svakalegt. Mjög margir hommar og fyndnir klæðskiptingar. Þarna fann ég það sem ég hafði leitað að í allt sumar…Dunk´n´doughnuts… mikið rosalega er það ávallt gott. Við keyptum 12 kleinuhringi og maðurinn spurði hvort við ætluðum að borða hér eða take away….er það ekki augljóst eða erum við Birna svona spikfeitar og líklegar til að borða 12 kleinuhringi á einu bretti.

Restina af fyrri vikunni eyddi ég í að læra fyrir TOEFL prófið sem ég tók svo laugardaginn eftir í Barcelona. Nú er ég búin að fá útúr því prófi og fékk ég 100 stig af 120 mögulegum og er ég bara nokkuð sátt við það.

Váá hvað Barcelona er flott borg. Iðandi af mannlífi og stemmingu. Við treistum allar á að Birta, eina af okkur sem hafði komið áður til Barcelona, myndi rata og geta sagt okkur hvar t.d Ramblan væri og hvar búðagatan væri. En Birta snillingur sökkaði sem guide og vissi ekki hvað sneri upp og hvað niður. En við fundum þetta nú um síðir. Fórum í tour um borgina og sáum Barcelona fótbolta leikvanginn., Goudi garðinn, kirkjuna sem hann hannaði og margt, margt fleira.Einnig versluðum við fyrir það sem eftir var af peningnum og fórum á Burger King.

Þessi ferð var alveg það sem við allar þurftum enda var meira og minna borðað, chillað og tanað allan tímann. Einnig var tekið gott djamm með ítölum síðasta daginn og verður því seint gleymt.

En mikið var ég spennt að fara heim. Mest var ég þó spennt yfir því að kaupa mér pulsu og appelsín í Keflavík. Þegar ég kom heim byrjuðu tárin að renna en runnu þau næstu 30 mínúturnar, það er alltaf gott að koma heim! Mamma, Pabbi og Hafþór voru með Björgu og fjölskyldu í Panama og Árni var með vinum sínum á Mallorca og var því frekar skrítið að vera komin heim en samt var enginn heima. Næsta dag tók svo bara skólinn við manni. Mér var einnig boðið í mat hjá Guðna og Hildi og komu Amma og Afi með Andra Fannar með sér og var það æðislegt, ég var búin að sakna þeirra allra mjög mikið. Ég var nú heldur betur farin að ryðga í táknmálinu en þetta kemur allt með æfingunni.

Besta var þó að hitta Árna og fjölskylduna þessa vikunna. Það er rosalega fínt að vera kominn í sama gamla farið og þurfa ekki að „hugsa um sig sjálfur“ en ég myndi vilja fara aftur út næsta sumar! Vonandi gengur það upp!! En núna er bara að einbeita sér að skólanum og útskrifast með góðar einkunnir næsta vor.

Síðustu 3 vikur…Sjongejonge..jonge…

Jæja nú kemur eitt langt blogg…

Margt hefur gerst á síðastliðnum vikum og það sem helst ber að nefna er ferð til Þýskalands og Rotterdam og síðustu helgi kom Árni í heimsókn

Sunnudaginn 13. júlí skellti ég mér til Kölnar og Düsseldorf. Ég eyddi fyrri hluta dagsins í Köln sem er alveg rosalega falleg borg, ég labbaði meðfram Rín og naut góða veðrisins. Þar var mikið mannlíf og mikið af fyndnum þýskum túristum.

Ég fór á súkkulaði safnið sem er alveg við ána. Þar skoðaði ég sögu súkkulaðis, súkkulaðiplöntuna og vinnslu súkkulaðis. Ég veit að þið trúið því ekki en þetta var mjög merkilegt og mikil skemmtun.

Þar sem það var sunnudagur voru allar búðirnar lokaðar en ég hefði alveg verið til í að taka smá shopping þarna!!

Súkkulaði verksmiðjan

Súkkulaði planta

Þegar ég hafði skoðað megnið af Köln þá keyrði ég í 30 mínútur til Düsseldorf og lagði alveg niður í bæ. Þar var svona sama stemmingin og í Köln. Gott veður, mikið mannlíf og geggjaðar búðir sem voru lokaðar (Y)

Þar gekk ég einnig meðfram Rín sem var mjög yndælt enda veðrið rosalega gott Ég fór svo upp í útsýnisturninn og sá yfir allt saman. Svo var bara drifið sig heim til Eindhoven.

Einnig keyrði ég á alvöru autobahn, það er nú frekar scary að keyra á 130-140 en það venst…bíllinn minn var alveg að gera sig Núna skil ég loksins tilganginn í því að eiga kraftmikinn BMW þar sem að þeir skjótast fram úr manni á allavega 200 km hraða.

Jæja svo eru allar vikurnar bara eins…ég vinn 8 tíma á dag 5 daga vikunnar! Á föstudögum fer ég í bæinn að versla og er til 9. Á laugardögum reyni ég svo að ferðast eitthvað og á sunnudögum tana ég Mikið skipulag í gangi…

Næstu helgi á eftir þá fór ég til Rotterdam á sunnudeginum. Fór nú svona aðallega til þess að versla en ég sá nú eitthvað af borginni. Þar var í gangi flugvéla race sem lýsir sér þannig að einhverjir daredevils eru á litlum flugvélum sem eru að keppast um hver kemst fyrst í mark. Leiðin liggur í gegnum brýr og svo gera þeir allskyns kúnstir í loftinu, sá þetta nú ekki en ég heyrði vel í þeim…leið svolítið eins og þær væru að hrapa eða hljóðin voru allavega þannig og ég byrjaði að upplifa svona 9/11 stemmingu inn í höfðinu á mér. En nóg um þetta. Ég verslaði helling þarna og ég sá btw. STÆRSTU H&M búð ever.

Svo kemur nú aðal helgin!!

Síðasta fimmtudag fór ég nefnilega að sækja hann Árna minn á flugvöllinn í Amsterdam. Þvílík hamingja og sumir héldu nú ekki vatni yfir þessu! Ég var nú farin að sakna hans frekar mikið og því æðislegt að hann kom í heimsókn. Hann lennti svo seint að við fórum nú bara beint til Eindhoven og Árni borðaði sveittasta hamborgara sem ég hef séð en ekki þó eins sveittan og ef hann hefði keypt hann af veggnum (mynd af “veggnum” kemur í næsta bloggi). Á föstudeginum fékk ég svo frí og við skötuhjúin skelltum okkur í Efterling sem er svona skemmtigarður hérna rétt hjá. Ég hafði heyrt það frá fólkinu í vinnunni að þetta væri GEGGJAÐUR rússíbanagarður en þau hafa þá ekki vitað hvað við Árni erum sjóuð í rússíbanaferðum því að okkur fannst ekkert varið í þetta Þessi garður er samt rosalega fallegur og eru byggður utan um gömul ævintýri. Þarna hittum við Rotkapchen, Hansel und Grettel og Snewittchen. (Birna þú ættir nú að kannast við þessi) Þessi dagur var allavega alveg æðislegur og toppuðum við hann með því að fara út að borða á ítalskan stað.

Næsta dag voru sumir dregnir á lappir og planið var að fara á ströndina afþví að sumir eru að byggja upp base-tan hahaha… en ströndin var fín, frekar mikið af fólki og vatnið ógeð en annars allt fínt. Eftir þetta skelltum við okkur svo aðeins í bæinn og svo heim. Um kvöldið fórum við í bowling og svo á BESTA steikhús sem ég hef farið á. Þetta var svona næstum því það besta við heimsóknina!

Á sunnudeginum skelltum við okkur svo til Amsterdam. Þar vorum við heljarinnar túristar og kíktum við á allt þetta helsta. Löbbuðum verslunargötuna, fórum á nokkur torg, fylgdumst með leikjum í Hollensku strandfótbolta deildinni á stærsta torginu þar í borg, gengum meðfram sýkjunum, fórum í Rauða Hverfið og sáum nú misfallegar stúlkur/kellingar og enduðum svo þetta allt með því að setjast inn á alvöru CoffieShop. Fengum okkur þó bara Sprite en rosalega skrítið að sjá fólk reykja hass og löggan bara í rólegheitum að labba framhjá.

Svo var nú heimsókn Árna á enda. Ég skutlaði honum upp á flugvöll og við borðuðum kvöldmat þar. Frekar mikil sorg að hann væri að fara en ég kem nú heim eftir 4 vikur, það er nú ekkert

Takk Árni minn fyrir að koma í heimsókn

Jæja svo er nú komið að aðalatriðinu, því að ég er að fara til Spánar með Birnu, Birtu og Stellu. Váá hvað það verður gaman Við verðum í bæ rétt hjá Barcelona sem heitir Sitges, hann er nú talinn vera homma bær en við erum alveg sáttar við það! Í Barcelona mun ég líka taka svokallað Toefl próf sem er stöðupróf í ensku og ég þarf að hafa tekið ef ég sækir um skóla í Bandaríkjunum. En það er nú planið að finn einhvern góðan skóla þar í landi.

Jæja nú fer að styttast í lokin á þessu bloggi, en örstutt…

Í gær var ég boðin í mat til Kelly vinkonu minnar sem býr í Utrecht en er frá Bandaríkjunum. Hún býr í húsbáti á einu af aðalsýkjunum þar í borg. Þetta er krúttlegasta hús/bátur sem ég hef séð. Vélin var tekin út og er svefniherbergið þeirra nú þar sem vélin var áður. Þarna er allt til alls, vatn, rafmagn, uppþvottavél, Wii og sundlaug upp á dekki hahaha…Ég læt myndir fylgja.

Héðan frá Eindhoven er annars allt frábært að frétta. Núna eru um 25-30 gráður (eins og á Íslandi sem er frekar mikið svekkelsi). Næsta helgi er síðasta helgin mín áður en ég fer til Spánar og verður hún nýtt til hins ýtrasta. Á föstudeginum verður verslað af sér allt vit og “listinn kláraður”, myndir verða teknar af öllu sem ég vil muna eftir og kannski fer ég í tívolíið um kvöldið Á laugardaginn ætla ég að fara til Antwerpen í Belgíu og aðeins að skoða mig um þar. Það á að vera einkar falleg borg þannig að ég er mjög spennt Á sunnudaginn verður svo annað hvort verslað restina sem ekki tókst að versla á föstudeginum eða bara tanað, fer allt eftir atvikum!

Annars bið ég bara að heilsa ykkur öllum…blogga örugglega í næstu viku áður en ég kveð Holland.

Kveðja frá hinni tönuðu Eydísi

Birna þetta var fyrir þig

Ein eftir í Eindhoven

Afsakið bloggleysið ég hef haft svo mikið annað að gera!

Ég skellti mér til Arhus í Danmörku fimmtudaginn 26. júní.

Ég flaug frá Amsterdam til Billund svo að þetta var eitt allsherjar ferðlag. Byrjaði á því að fá far með Monique út á flugvöll, tók svo flug til Danmerkur, rútu til Arhus og svo bus til stelpnanna. Birna sótti mig nú niður í bæ en hinir letingjarnir voru heima sofandi þegar ég kom.

Þar tók á móti mér lítil krúttleg íbúð stútfull af fötum og dóti. Halla tók sig til og útbjó þennan líka fína dinner og svo var haldið í bæinn. Rosalega krúttleg borg! Daginn eftir var svo farið í bæinn að versla og svo var chill um kvöldið, spilastokkurinn var tekinn upp og Birta reyndi að kenna okkur reglurnar í kleppara, það gekk ekki vel.

Á laugardeginum var verslað meira og svo djamm í bænum um kvöldið. Við æddum á Broen sem er skemmtistaður á skipi og höfðum rosalega gaman. Fyrir utan Broen fengu sumir sem fengu sér pulsu og svo var haldið heim á leið. Við hittum útlending sem vildi ólmur læra íslensku og svo Pólverja sem Kristín tók allhressilega á. Kvöldinu var síðan slúttað með því að fá sér pizzu með dressingu á AliBaba. Hún var vægast sagt ógeðsleg.

Daginn eftir hélt svo ferðalangurinn ÉG heim á leið, vel sátt með æðislega helgi. Takk stelpur fyrir allt

Markmið ferðarinnar :

• Borða danska pulsu √
• Hitta Simon X
• Smakka æbleskiver √
• Fara í Djures Sommerland X

Ég vann svo í 3 daga í síðustu viku og svo voru Mamma og Björg frænka sóttar á lestarstöðina í Eindhoven. Mikið var ég glöð að sjá þær.

Þær fengu svo smá sightseeing um borgina og fóru með mér upp í Össur. Þetta kvöld rigndi alveg heilann helling og brjálað þrumuveður svo að við fórum á rosalega góðan restaurant svona 15 mínútur frá borginni.

Næsta dag vann ég til hádegis og hitti svo dömurnar í bænum. Þeim hafði nú tekist að villast eitthvað en fundu þetta á endanum. Mikið var verslað þann daginn og svo fórum við á ítalskann stað. Og það sama var gert á föstudeginum og fundum við rosalega flottar “kitchenware” búðir.

Á laugardeginum lögðum við svo í svaðilför til Amsterdam og þar kom navigation system-ið sér mjög vel. Við skoðuðum blómamarkaðinn, verslunargötuna, rauðahverfið, ýmis torg og Önnu Frank húsið (sem endaði svo á því að vera ekkert hús heldur nýtískuleg blokk !?). Þetta er æðisleg borg en full stór fyrir mig, ég er bara ánægð að búa í litlu Eindhoven.Á laugardagskvöldinu fórum við svo á rosalega krúttlegann mexíkanskann stað hérna rétt hjá húsinu mínu.

Á sunnudeginum var svo aðeins meira kíkt í búðir og svo skutlaði ég þeim út á Schiphol. Og núna sit ég hér ein eftir í íbúðinni á Nicolaas Beetstraat og hef það huggulegt.

Takk fyrir komuna mamma og Björg, þetta var alveg æðisleg helgi og besta afmælisgjöf sem ég hef fengið

Ég var að fá nýjann bíl…get nú ekki sagt að hann sé flottari en BURBERRIES bíllinn sem við sáum. En hann eyðir minna bensíni en gamli bíllinn!

FIAT PANDA

Það vottar nú fyrir smá heimþrá núna en hún verður fljót að gleymast. Ég vona að hann Árni minn fari nú að láta sjá sig hérna í Hollandi.

Framundan er svo bara að vinna, ferðast, versla og tana!

Næstu áfangastaðir eru Antwerpen og Brussel í Belgíu, Utrecht og Rotterdam í Hollandi og Köln og Dusseldorf í Þýskalandi. Mikið er ég spennt

-Eydís-

Afmæli !

Jæja gott fólk…

nú fer senn að líða að afmælinu mínu 1. júlí og fyrir þá sem vilja óska mér til hamingju með afmælið þá er ég komin með nýtt símanúmer : +31-0625-340426 og muna að það er +2 tímar hjá mér.

Einnig fyrir þá sem vilja senda mér forláta afmælisgjöf þá er heimilisfangið mitt :

Eydis Sigurdardottir
Nicolaas Beetsstraat 1
5615 JH Eindhoven
Holland

Og til hamingju með afmælið elsku Mamma mín. Hlakka til að sjá þig og Björgu eftir viku. (168 klst)

Eftir 28 klukkutíma verð ég í Arhus í Danmörku. Ég er án gríns að pissa á mig úr spenningi og vona ad stelpurnar séu líka spenntar

Blogga meira seinna – Allt er frábært hér í Eindhoven

Kveðja Eydís